ಸೀತಾ – ಸಮಾಜವಾದವೇ ಪರ್ಯಾಯ

ಸೀತಾರಾಮ್ ಯೆಚೂರಿಗೆ ಶ್ರದ್ಧಾಂಜಲಿ: “ಸೀತಾ – ಸಮಾಜವಾದವೇ ಪರ್ಯಾಯ” ಸಾಕ್ಷ್ಯಚಿತ್ರ

ಮಧುರೈಯಲ್ಲಿ ಸಿಪಿಐ(ಎಂ) ಮಹಾಧಿವೇಶನದ ಸಂದರ್ಭದಲ್ಲಿ ಬಿಡುಗಡೆಯಾದ “ಸೀತಾ – ಸಮಾಜವಾದವೇ ಪರ್ಯಾಯ” ಎಂಬ ಸಾಕ್ಷ್ಯಚಿತ್ರವು, ಸಿಪಿಐ(ಎಂ)ನ ದಿವಂಗತ ಪ್ರಧಾನ ಕಾರ್ಯದರ್ಶಿ ಕಾಮ್ರೇಡ್ ಸೀತಾರಾಮ್ ಯೆಚೂರಿ ಅವರ ಜೀವನ ಮತ್ತು ಕೊಡುಗೆಗಳನ್ನು ಆಧರಿಸಿದ ಒಂದು ಪ್ರಮುಖ ಕೃತಿಯಾಗಿದೆ. ಈ ಸಾಕ್ಷ್ಯಚಿತ್ರವನ್ನು ಕಾಮ್ರೇಡ್ ಟಾಕೀಸ್ ಎಂಬ ಯೂಟ್ಯೂಬ್ ಚಾನೆಲ್ ಬಿಡುಗಡೆ ಮಾಡಿದೆ.

ಈ ಸಾಕ್ಷ್ಯಚಿತ್ರವು ಸೀತಾರಾಮ್ ಯೆಚೂರಿಯವರ ವೈಯಕ್ತಿಕ ಮತ್ತು ರಾಜಕೀಯ ಜೀವನವನ್ನು ಆಳವಾಗಿ ಪರಿಶೀಲಿಸುತ್ತದೆ. 1952ರಲ್ಲಿ ಚೆನ್ನೈನಲ್ಲಿ ಜನಿಸಿದ ಯೆಚೂರಿ, ವಿದ್ಯಾರ್ಥಿ ಚಳುವಳಿಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದರು ಮತ್ತು ನಂತರ ಸಿಪಿಐ(ಎಂ)ನ ಪ್ರಮುಖ ನಾಯಕರಾಗಿ ಬೆಳೆದರು. ಮಾರ್ಕ್ಸ್ ವಾದಿ-ಲೆನಿನ್‍ವಾದಿ ತತ್ವಗಳ ಆಧಾರದ ಮೇಲೆ, ಜಾತ್ಯತೀತತೆ ಮತ್ತು ಪ್ರಜಾಪ್ರಭುತ್ವವನ್ನು ರಕ್ಷಿಸಲು ಅವರ ಕೊಡುಗೆಗಳನ್ನು ವಿವರವಾಗಿ ಚಿತ್ರಿಸಲಾಗಿದೆ. ಈ ಸಾಕ್ಷ್ಯಚಿತ್ರದಲ್ಲಿ ಅವರು ಲೆನಿನ್‌ರ ಪ್ರಸಿದ್ಧ ನುಡಿಗಟ್ಟು “ಮೂರ್ತ ಪರಿಸ್ಥಿತಿಯ ಮೂರ್ತ ವಿಶ್ಲೇಷಣೆ” ಯನ್ನು ಆಗಾಗ್ಗೆ ಬಳಸುವುದನ್ನು ಪ್ರಮುಖವಾಗಿ ಒತ್ತಿಹೇಳಲಾಗಿದೆ. ಇದು ಯೆಚೂರಿ ಅವರ ಚೆನ್ನೈ ಜೊತೆಗಿನ ಸಂಪರ್ಕ, ಅವರ ಬಾಲ್ಯದ ನೆನಪುಗಳು ಮತ್ತು ಅವರ ಹೆಸರಿನ ಮೂಲದ ಬಗ್ಗೆ ಭಾವನಾತ್ಮಕವಾಗಿ ವಿವರಗಳನ್ನು ಬಹಿರಂಗಪಡಿಸುತ್ತದೆ.

ಇದಲ್ಲದೆ, ಅವರು ಆರ್‌ಎಸ್‌ಎಸ್ ಮತ್ತು ಬಿಜೆಪಿಯ ಹಿಂದೂ ರಾಷ್ಟ್ರ ಸಿದ್ಧಾಂತವನ್ನು ಟೀಕಿಸಿದರು ಮತ್ತು ಭಾರತವನ್ನು ಜಾತ್ಯತೀತ ಪ್ರಜಾಪ್ರಭುತ್ವ ಗಣರಾಜ್ಯವಾಗಿ ಸಂರಕ್ಷಿಸುವ ಅಗತ್ಯವನ್ನು ಒತ್ತಿ ಹೇಳಿದರು. 1990 ರ ದಶಕದಲ್ಲಿ ಸೋವಿಯತ್ ಒಕ್ಕೂಟದ ಪತನದ ನಂತರ ಮಾರ್ಕ್ಸ್‌ವಾದದ ಪ್ರಸ್ತುತತೆ ಮತ್ತು 2024ರ ಚುನಾವಣೆಯಲ್ಲಿ ಇಂಡಿಯ ಮೈತ್ರಿಕೂಟವನ್ನು ಬಲಪಡಿಸುವಲ್ಲಿ ಅವರ ಪಾತ್ರದ ಕುರಿತು ಚರ್ಚಿಸಲಾಗಿದೆ. ಅವರು ಭಾಗವಹಿಸಿದಅಂತರರಾಷ್ಟ್ರೀಯ ವಿಚಾರ ಸಂಕಿರಣಗಳಲ್ಲಿ ಅವರ ರಾಜಕೀಯ ದೃಷ್ಟಿಕೋನವು ಸ್ಪಷ್ಟವಾಗಿದೆ.

ಈ ಸಾಕ್ಷ್ಯಚಿತ್ರವು ಯೆಚೂರಿಯವರ ನಿಧನವು ಒಂದು ದುರಂತ ನಷ್ಟವಾಗಿದ್ದರೂ, ಅವರ ದೃಷ್ಟಿಕೋನ ಮತ್ತು ಹೋರಾಟಗಳು ಭಾರತೀಯ ಸಮಾಜಕ್ಕೆ ಶಾಶ್ವತವಾಗಿ ಕೆಂಪು ನಕ್ಷತ್ರವಾಗಿ ಬೆಳಗುತ್ತವೆ ಎಂಬುದನ್ನು ದೃಢಪಡಿಸುತ್ತದೆ.

ಈ 27 ನಿಮಿಷಗಳ ಕೃತಿಯು ಅವರ ಕ್ರಾಂತಿಕಾರಿ ಪ್ರಯಾಣವನ್ನು ತಿಳಿದುಕೊಳ್ಳಲು ಬಯಸುವವರಿಗೆ ಒಂದು ಪಯುಕ್ತವಾಗಿದೆ

ಚಲನಚಿತ್ರ ವೀಕ್ಷಿಸಲು, https://youtu.be/3GlT–CtFeU?si=UnlOlZnoPzYRyOb_ ಗೆ ಭೇಟಿ ನೀಡಿ.